சிறுபறவையாய்

எனக்கான
சின்னஞ்சிறு உலகம் இது
சின்னஞ்சிறு வானம் இது
சிறுபறவையாய்
சிறகுகள் விரித்து பறக்கிறேன்

பார்ப்பவர்கள்
கல்லெறிந்து காயப்படுத்தலாம்
தானியங்கள் வீசி பரவசப்படலாம்
எனக்கொன்றும் கவலையில்லை

பறக்கையில் விழுந்த எச்சத்தில்
சில விதைகள் விருட்சமாய்
பூமியற்ற இடத்தில் விழுந்தவை
காய்ந்து வெறுப்பேற்றும் கறைகளாய்
எனக்கொன்றும் கவலையில்லை

சிறகுகள் விரியும்
பலம்வரை பறந்திருப்பேன்
அவ்வளவே எனக்கான வாழ்க்கை...