ஜீவா

தையதக்கா

2011-06-05T09:35:00.003+05:30

தையதக்க தையதக்கா
சந்சோச கூச்சலிட
தங்க மகன் பிறந்தான்!

பிள்ளைக்காக கலங்கிய காலங்கள்
மழைக்கால மேகங்களாய் கரைய
தேவனாய் பிறந்து வந்தான் !

கண் பட்டுவிடுமோயென
உன் தாலட்டுகளை
மௌனமாய் இசைத்தோமடா !

இனி
பால் வாசம் வீசும் தலையணைகளும்
சிறுநீரால் நனைந்த
படுக்கை விரிப்புகளும்
முகமெங்கும் நனைத்திடும் முத்தங்களும்
சி்ன்னஞ்சிறு செய்கையில்
நெகிழ்ந்து நீளும் நிமிடங்களும்
எங்களுக்கும் சொந்தமாகும் செல்லமே!

எந்திர வாழ்க்கையின்
மனித படிமங்களுக்கு மத்தியில்
எங்களிருவரின்
ஒற்றை உலகம் நீயடா

உனக்காக உறங்காத இரவுகளில்
ஆனந்த கண்ணன் நீயுறங்க
எங்களின் வாழ்க்கை கதைகள் தாலாட்டாய்

உன் விரல் ரேகையில்
எங்களின் வாழ்க்கை பயணம்
உந்தன் புன்சிரிப்பில்
எங்களின் உயிர் சிரிப்பு

சின்னஞ்சிறு ஆசைகளை
தர மறுத்த இறைவன்
சந்தோச பொக்கிஷத்தை
உள்ளங்கையில் தந்துவிட்டு
என்ன பெயரென சிரித்தான்
நன்றியும் கர்வமுமாய் சொன்னோம்
தனஞ்ஜெய் எனும் ஜித்து என...

சபிக்கப்பட்டவனாய்

2010-04-30T16:44:00.003+05:30

நிலாப்பெண்ணின் விசும்பல்களில்
மொட்டை மாடி கவிதைகள்
வானம் பார்த்தபடி வெறுமையாய்

கனவுப்பெண்ணின் கண்ணீரில்
இரவுத் தூக்கங்கள்
கனவுகள் இன்றி மரணமாய்

மனம் பிழியும் சுமைகளாய்
என் கவிதைகள் கணக்கிறது
தாள்களை எறித்துவிடுகிறேன்
யாராவது கவிதைகளை
எடுத்து தொலைத்துவிடுங்களேன்

பெண்மையை காயப்பட்ட பொழுதுகளிலும்
எனை இமைக்குள் இருத்தியவளே
தேவதைகளின் கண்ணீர் துளிகள்
பூமிக்கு சாபங்களாம்
சபிக்கப்பட்டவனாய் நானும் தோழி ...

கோமாளி மனிதர்கள்

2010-04-30T16:06:00.001+05:30

சாலையின் காற்றில்
வயிற்றின் பதிலுக்காய்
கயிற்றில் நடந்தவனின் உழைப்பை
சில்லறையோடும் கைத்தட்டல்களோடும்
கோமளிகள் என கடந்த மனிதர்கள்
சாலையின் சப்தத்தில்
மௌனமாய் ஜனித்தபடி
பிச்சையெடுத்த உருவத்தின் முன்பாய்
சாமியென மண்டியிட்டார்கள்
கோமாளி மனிதர்களாய்.....

அட்சய கவிதையாய் நீ!

2010-01-02T22:21:00.007+05:30

கேள்விகள் கேட்கிறயாய்

நம் திருமணத்திற்கு பின்பு

காதல் கவிதைகள் எங்கேயென ?

காதல் தீர்ந்ததா ?

காதலித்தவன் தொலைந்தானா என ?

அட்சய பாத்திர சொந்தக்காரனுக்கு

எப்பொழுதும் பசிப்பதில்லை

என் காதல் தேவதையே ...

தொலைந்த மனிதர்களும் - தொலையாத கனவுகளும்

2009-07-22T00:52:00.010+05:30

எந்தன் கனவுகளை கடைபரப்பி
மனிதர்களை தேடிய பொழுதுகளில்
கனவுகளை தொலைத்து போனேன்
மனிதர்கள் -எனை
மறந்தும்,தொலைந்தும் போகையில்
கனவுகள்
நெஞ்சோடு மூட்டை மூட்டையாய்
ஆஹா
கனவுகளோடு இனி நான்...

சர்க்கஸ் சிங்கங்கள்

2009-07-22T00:34:00.003+05:30

சுற்றி நின்று
ஆர்பரித்த கூட்டத்தின் இரைச்சல்
விசிலடித்து சப்தமிட்ட மனிதர்கள்
தூரத்தில் அழுத குழந்தை
எதுவும் சலனப்படுத்தவில்லை
சிங்கத்தின் பிடரி காதுகளுக்குள்
சுள்ளென்று முதுகில்
விழுந்த சாட்டையடி பொழுதுகளில்
பழகிய வித்தையை விளையாட்டுன காட்டி
மீண்டும் கூண்டுக்குள் அடங்கியது
மனிதர்கள் மீதான வன்மத்தோடு...

பத்திரிக்கை தர்மம்

2009-07-04T00:58:00.008+05:30

அப்பத்திரிக்கையின்
முதல் பக்கத்தில் நடிகன்
நடுப்பக்கத்தில்
நடிகையின் தொப்புள் தரிசனம்
இடைஇடையே- கிரிக்கெட்டின்
சில வெற்றிகளும் , பல தோல்விகளும்
சமையல் குறிப்புகள்
நகைச்சுவை படத் தோரணங்கள்
வாங்கிவிட்டீர்களா
கூவி அழைக்கும் விளம்பரங்கள்
மிக முக்கியமாய்
அரசியல் கோமாளி அறிக்கைகள்
போனால் போகட்டும்மென
கடைசி பக்க ஓரங்களில்
" இலங்கை அகதி வாழ்க்கை" என
பக்கம் நிரப்பும் கட்டுரை ..

****** வார இதழ்கள் அவ்வளவாய் படிப்பதில்லை.எதிர்பாராமல் சென்ற வார குங்குமம் பத்திரிக்கை பார்த்த பின்பு தோன்றியது. *****

உயிர்ப்பாய்

2009-06-25T21:09:00.010+05:30

இறக்கை கட்டிப்பறக்கும்
நம் அலுவல் நேரத்தில்
வள்ளுவன்,வாசுகியாய்
நாமென்றும் இல்லை
கிளம்பும் நேரத்தில் சண்டைகளுடன் நானும்
திரும்பும் நேரத்தில் சோர்வாய் நீயும்
வார விடுமுறை நாட்களும்
துணிகள் துவைத்தும்
விட்டு போனவைகளை முடித்தும்
தொடங்கி விடுகிறது திங்கட்கிழமையாய்
இடையே எப்பொழுதாவது
அலைபேசியில் சத்தமிடும்
உன் "ஐ லவ் யு" குறுஞ்செய்திகள் தான்
இன்னும் உயிர்ப்பிக்கிறது
என்னையும் ! நம் காதலையும்...

தோழமைகளுக்கு,

2009-06-25T20:40:00.003+05:30

மிக நீண்ட இடைவெளியுடன் உங்களை சந்திக்கிறேன்.திருமண சந்தோசம்,அலுவலக வேலை மற்றும் புதுவீட்டில் இண்டர்நெட் கனெக்ஷன் எடுப்பதற்கு சற்று காலதாமதம் போன்ற காரணத்தால் பிளாக் பக்கம் வரமுடியவில்லை.
அலுவலகத்தில் சில பிளாக் சைட் மட்டும் பார்க்க முடியும் ஆனால் கமெண்ட்ஸ் போட முடியாது. மன்னிக்கவும்.இனி என்னால் முடிந்தவரை முயற்ச்சிக்கிறேன் அத்தனை தோழமைகளுடனும் தொடர்ந்து பயணிப்பதற்கு.

தொலையட்டும் கடவுள்

2009-06-09T02:33:00.008+05:30

நீண்ட வரிசையில்
விளையாடி தாகமெடுத்த குழந்தைக்கு
தண்ணீர் தர மறுத்து
கடவுளை காண படியேறும் பக்தன்
கடவுள் உள்ளிருப்பானா
கோவில் எனும் கூடாரத்தில்...

அழகிய சாபம்

2009-05-26T05:39:00.002+05:30

காதலிப்பதும்

காதலிக்கப்படுவதும் வரம்களாம்

சொல்லடி செல்ல பிசாசே

உனை காதலிப்பது வரமா

எந்தன் அழகிய சாபமா ??

ஆணவ சந்தோசம்

2009-05-26T05:09:00.006+05:30

நாம் பயந்தபடி

திருட்டுதனமாய் காதலித்த இடங்களில்

ஆணவமாய் நின்று சிரிக்கிறேன்

உன் கணவனாய்...

வெட்கங்களா? ஆடைகளா?

2009-05-08T09:50:00.007+05:30

தயவுசெய்து

உன் வெட்கங்களை களைந்து

நீ மட்டும் வா

நான்

உன் வெட்கங்களை களைவதர்க்குள்

நீ

உன் ஆடைகளை சரிசெய்துடுகிறாய்

என்னதான் செய்வது சொல்லடி...

தித்திக்கும் பாப்கார்ன்

2009-05-07T20:08:00.001+05:30

திரையரங்கின் இருட்டில்
உன் இதழ் கடந்த
பாப்கார்ன் தித்திக்கிறதே எப்படியடி?
சரி சரி வெட்கப்படாதே
அப்புறம் நீயும் இனித்திடுவாய்
திகட்டாத தித்திப்பாய்...

பொல்லாத கொலுசுகள்

2009-05-07T19:44:00.003+05:30

நம் தனியறையில்
உன் கன்னங்கள் சிவக்குமுன்பே
சின்ன சின்னதாய் சிணுங்கி
வெட்கங்களை சத்தமிடும்
பொல்லாத கொலுசுகளை
கொஞ்சம் சும்மா இருக்க சொல்லடி...

தேவதை

2009-05-06T20:01:00.003+05:30

யார் சொன்னது
தேவதைகள் பூமிக்கு வருவதில்லை என
இதோ அருகில்
என் தேவதை மனைவியாய்

இனிதாய் நடந்ததது எங்களின் திருமணம்

2009-05-06T19:40:00.009+05:30

கடந்த ஏப்ரல் மாதம் 20ஆம் தேதி/09 இரு வீட்டார் சம்மதத்துடன் உறவுகளின்,நட்புகளின் வாழ்த்துக்களுடன் என் தேவதையின் கரம் பிடித்தேன் இறைவனுக்கு நன்றிகள் பல. 6வருடங்களாய் காத்திருந்த எங்களின் காதல் வெற்றியாய் திருமணம் நடந்தது.

சின்ன சின்ன மனக்கசப்புகள்,ஆராவாரம்,பயங்கள் இருந்ததால் நீண்ட நாட்களாக எதுவும் செய்ய இயலவில்லை.பிளாக் பக்கமும் வரமுடியவில்லை.காத்திருந்த,எதிர்பார்த்த தோழமைகளுக்கு நன்றிகள் பல.

நன்றியை நேரில் சொன்னால் உறவுகள் உரிமையாய் கோபித்து கொள்வார்கள்.அதற்காகவே இங்கே இந்த பதிவிடுகிறேன். திருமணத்தை நடத்தி வைத்த ,தோள் கொடுத்த வீட்டு உறவுகளுக்கு மனமார்ந்த நன்றிகளையும்,சந்தோச கண்ணீர் துளிகளையும் பாதங்களில் சமர்ப்பிக்கிறோம்.

தலைப்பில்லா கவிதைகள்

2009-03-29T19:08:00.005+05:30

தலைப்பில்லாத கவிதையாய்
நீயும் நானும் இங்கே
அங்கீகாரம் இல்லாததாலயே
அலைக்கழிப்பாய் நம் காதல்

யார் யாரிடமோ
அங்கீகாரம் கேட்டபடி
திசை தெரியா பறவைகளாய்
காத்து நிற்கும் தருணங்களில்
நம் காதலும்
வெட்கப்பட்டதடி அவமானத்தால்

என்னதான்
எதிர்பார்ப்புகள் இவர்களுக்கு என
கேள்விகள் கேட்பவளே
அது தெரியாமல் தானே
குருட்டு மனிதன்
ஓவியம் வாங்கும் அவலமாய்
உன்னோடு நானும்

சத்தமின்றி
முத்தமிட்டு சென்றவளே
சத்தமாய்
உறவுகளிடம் பேசாததுதான் தவறோ

மழலையாய்
நீ ஸ்பரிஷத்த நிமிடங்கள்
நீண்ட இரவுகளில்
கண்ணீரோடு நனைகிறதடி தலையணையில்

கல்யாண மாலைகளுக்கு
பூத்தொடுக்க மறுப்பவர்கள்
காதலர் கல்லறைகளுக்கு மட்டும்
மலர் வளையங்களுடன் தயாராய்...

கண்ணீர் தூதாய்

2009-03-29T19:07:00.002+05:30

மௌனமாய் அழுதபடி
முகம் பார்க்க முடியா
தூரங்கள் தொலைவாய்
காத்திருக்கும் தேவதைக்கு
கண்ணீர்துளிகள் காதல் தூதாய்
கனவுகளில் நீங்களாவது
தேவதையிடம் சொல்லிவிட்டு வாருங்கள்
இன்னும் உயிரோடுதான் இருக்கிறான் ஜீவன்
கையாலாகதவனாய் கவிதைகள் கிறுக்கியபடி...

மரணத்தில் புன்னகையாய்

2009-03-29T19:06:00.001+05:30

மரணப்படுக்கையின்
கடைசி நிமிடங்களிலும்
பூத்திடும் புன்னகைக்கு சொந்தக்காரியே
காதலோடு ஒரு வேண்டுகோள்
உன் இறுதிப்பயணத்தில்
வெறும் பார்வையாளனாய்
மட்டும் எனை விட்டு செல்லாதே
நீயின்றி என்ன செய்வேனடி
இங்கே ஜீவனை தொலைத்த ஜீவனாய...

கனவுப்பூக்கள்

2009-03-29T19:05:00.003+05:30

சிறு குழந்தைகளாய்
மணல் வீடு கட்டி
கனவுச்செடிகள் நட்டோம்
கனவுப்பூக்கள் பூக்கையில்
பூக்களை பறிக்காமல்
வேரை பறித்தது யாரடி தோழி...

மையப்பூமி நீயடி

2009-03-26T18:18:00.004+05:30

நீ
அருகில் இல்லாத நிமிடங்களில்
உனை மறந்ததாய்
கண்ணீரோடு கோபங்கள் கொண்டாய்
எங்கே எப்படி சுற்றினாலும்
நான் சுற்றும்
மையப்பூமி நீதானடி தேவதையே...

நானாய் சுயம்பாய்

2009-03-26T18:12:00.003+05:30

அடேய்! நான் என்பவன்
கலங்கினானே ஏனடா தோழா

முத்தெடுக்க பிறந்தவன்
தவளையின் கதறல்கள் கேட்டா
உன்னுள் கலங்கினாய் நீ

விண்ணாளும் இராஜாளி
சிட்டுகுருவி சிறகொடிதல் கண்டா
கண்ணீரில் முழ்கினாய் நீ

போர்க்கள படைத்தளபதி
இரத்தகறை பார்த்தா
வாளை துக்கி எறிந்தாய் நீ

காற்றின் விண்மீன்
மிரட்டிய சுறாவளி கண்டா
விண்மீனாய் மாறினாய் நீ

மரணத்தின் வலி கண்டு
கனவுகள்,காயங்களோடு மீண்டவன்
அத்தனை சுலபமாய்
வீழ்த்திட முடியாது என்னை
இதோ இந்த கணம்
நான் என்பவன் போரிட தயார்

நான் என்பவன் சுயம்பு
கவனிப்பாரற்று ஒதுங்கி கடந்தாலும்
நானாய் முளைப்பேன் சுயம்பாய்...

தங்க மீன்கள்

2009-03-12T07:28:00.004+05:30

அழகான கண்ணாடி குடுவையில்
தங்கமீன்கள் இரண்டு
ஒருநாள் தவறிய குடுவை
விழுந்து உடைந்து சிதறியது
இறக்கையில் அழுத
தங்கமீங்களின் கண்ணிரும்
வடிந்த நீரோடு
கலந்தோடியது யாருமறியாமல் தோழி...

பரமபத காதல்

2009-03-09T07:07:00.012+05:30

இங்கே நம் காதல்
பரமபத விளையாட்டில்
பகடை காய்களாய் உருட்டபடுகிறது

முகம் தெரிந்த உறவுகளும்
முகம் தெரியாத மனிதர்களும்
போகிற போக்கில் தொடர்பின்றி
பகடைகளை உருட்டி கடக்கிறார்கள்

தாயங்கள் விழுந்தால்
பரமபத ஏணியின் தொடக்கம்
தவறிய எண்கள் விழுந்தால்
பரமபத பாம்பின் தொடக்கம்
இவர்களுக்கு நம்காதல் பரமபத விளையாட்டாய்

பகடைகள் உருளும் பொழுதுகளில்
நம் காதலும் கனவுகளும் தானே
கண்ணிரோடு உருளுவது
யாருக்காவது தெரியுமா தோழி

எனக்கான கனவாய்
மஞ்சள் பூசிய தேவதை
வெட்கங்களே அதிகமாய் பூசி
கூரைபுடவைதனில் சிறுமியாய்
மணமேடையில் என்னருகில் நீ

உனக்கான கனவாய்
கருப்பு நிறத்தவன்
ஆண்மையில் வெட்கங்கள் பூசி
பட்டுவேட்டி சிறுவனாய்
தாய்மடி தேடி உன்னருகில் நான்

நெஞ்சோடு முகம் புதைத்து
கண்ணிரால் கேட்டாய் -எப்போதடா
நமக்கும் நிச்சய திருமணம் என
என்ன பொய் சொல்லி
உன்னையும் ஆட்டத்தில் ஏமாற்றுவதடி

பரமபத பாம்பின்
வால் பிடித்த நேரங்களில்
நீயும் கூட பயப்படுகிறாய்
மரணித்துவிடுவோமா என அசடாய்
நாம் தோற்றால்
இங்கே காதல் அல்லவா தோற்கும் ?

பரமபத ஆட்டத்தின் முடிவில்
பகடை காய்கள் கண்டிப்பாய்
பெட்டிக்குள் பத்திரப்பட வேண்டுமடி
அங்கும் அழகாய் காதலிப்போம் தேவதையே ...

சிறுபறவையாய்

2009-03-06T00:06:00.008+05:30

எனக்கான
சின்னஞ்சிறு உலகம் இது
சின்னஞ்சிறு வானம் இது
சிறுபறவையாய்
சிறகுகள் விரித்து பறக்கிறேன்

பார்ப்பவர்கள்
கல்லெறிந்து காயப்படுத்தலாம்
தானியங்கள் வீசி பரவசப்படலாம்
எனக்கொன்றும் கவலையில்லை

பறக்கையில் விழுந்த எச்சத்தில்
சில விதைகள் விருட்சமாய்
பூமியற்ற இடத்தில் விழுந்தவை
காய்ந்து வெறுப்பேற்றும் கறைகளாய்
எனக்கொன்றும் கவலையில்லை

சிறகுகள் விரியும்
பலம்வரை பறந்திருப்பேன்
அவ்வளவே எனக்கான வாழ்க்கை...

வெடிச்சத்தமில்லா தீபாவளி

2009-02-26T12:17:00.005+05:30

இப்பொழுதெல்லாம்
மனசு எதிபார்பதேயில்லை
தீபாவளி பட்டாசு சப்தங்களை
பாகம் பிரிப்பதென்று
பட்டாசு திருடுதலையும்
எண்ணெய் குளியலுக்கு பின்பு
புத்தாடை வரவையும்
உறவினர்கள் வாழ்த்துக்களுடன்
பை சேரும் காசுகளையும்

முதிர்ந்த வயதும்
தெளிந்த மனதும்
காரணங்கள் என்றாலும் கூட
வாழ்க்கை ஓட்டத்திற்காக
தொலை தேசத்தில் தங்கிய
சகதோழன்
சகோதரனின் பிரிவும் முக்கியமாய்...

எனை கேலி செய்

2009-02-24T23:59:00.006+05:30

எனை கேலி செய்திடு
மரணத்தின் எல்லை தொடுமளவு

சிலநேரம் என்னுள் உறங்கிடும்
மிருகத்தின் வால் முறுக்கி

என் கனவு தோட்டத்தின்
வேலியுடைத்து நாசம் செய்து

கண்ணீரின் கொள்ளவு தீரும்வரை
அழுகை முட்டி

என் முகமுடி கழட்டி
நிஜ முகம் காட்டி

சந்தோச சாம்பலின் உள்ளிருக்கும்
துக்க சாம்பலை கிளறிவிட்டு

என் விடுகதை வாழ்க்கையின்
விடைக்கான கேள்வி கேட்டு

எதிர்கால வாழ்க்கை பயத்தின் மீது
கொக்கி போட்டு இழுத்து

எப்பொழுதாவது எழும் ஆசைகளின்
நிராசை தடம் காட்டி

சுவாதித்தலை மறக்குமளவு
கேலியாய் இழிந்து பேசினாலும்
நானாய் ஜனனித்திருப்பேன்
நீரின் அடிமட்டம் வரை
அகங்காரமாய் அழுத்தினாலும்
ஆக்ரோஷமாய் மேலெழும்பும் பந்தாய்...

முயலுக்கும் கொம்புகள்

2009-02-24T23:58:00.003+05:30

எழு எனதருமை தோழா
எவரும் தோற்றவரில்லை

விழுந்த விந்தில் உயிர்த்து
தாயின் கருப்பை தாண்டி
ஜனனம் கண்டவரெல்லாம்
இயற்கையுடன் இயைந்து
மரணம் வென்ற வீரனே

பூமி துளைத்து
புதிதாய் பிறந்த புல்லுக்கும்
பனித்துளி மகுடம் எனில்
உனக்கு மட்டும் இல்லாமலிருக்குமா
எங்கு எப்போது கண்டுபிடி

துவளாமல் கரை தொடும்
அலையிடம் கற்றுக்கொள்
முயற்சியுக்கும்,தோல்வியுக்கும்
எண்ணிக்கை கணக்கு இல்லையென

மண்புழுவின் அம்சம் நீ
வெட்ட வெட்ட
துண்டுகளின் உருவமாய் பிறப்பவன்

விதையின் விருட்சம் நீ
மண்ணில் புதைத்தல் கூட
உனது பிறப்பின் துவக்கமாகும்

அருவியின் அடையாளம் நீ
புகையாய் ஆதாரமின்றி விழுதலும்
பாறையை துளாக்கும் எழுச்சியாகும்

அண்டவெளி தாண்டி
உலகு கண்ட மானுடத்தின்
ஓருதுளி அடையாளம் நீ
பிறகு எப்படி தோற்பாய்

திட்டமிட்டு முயற்சி செய்திரு
எத்தனை முறை தோற்றாலும்
நம்பிக்கையோடு முயற்சி செய்திரு
முயலுக்கும் கூட
கொம்புகள் முளைக்க வைத்திடலாம்...

உயிர் மூச்சாய் நீயடி

2009-02-19T03:02:00.006+05:30

எப்பொழுதும்
உன்னை அழத்தான் வைக்கிறேன்
எப்பொழுதாவது
சிரிக்க வைக்கிறேன் காதலாய்
நகக்கீறல் என
கண்விழியில் கீறிவிட்ட நிமிடங்களில்
கோபத்துடன் சொன்னாய்
காதலிக்க கற்றுக்கொள் என!
உயிர் மூச்சின் சுவாசிப்பு
கற்று கொண்டதா தேவதையே ?

சராசரி பிம்பமாய்

2009-02-19T02:59:00.004+05:30

என் முன்னால்
எனை தவிர்த்து
எவரோடு நட்பாய் பாராட்டினாலும்
உனக்கு தெரியாதபடி கோபங்கள்
இவ்விசயத்தில்
நானும் கூடவா தோழி
சராசரி ஆண் வர்க்கத்தின் பிம்பமாய்...

சொல் அம்புகளாய்

2009-02-18T05:20:00.008+05:30

நீ அருகில் இல்லாத
வெறுமையான நிமிடங்களின
காரணமற்ற கோபங்கள்
எதிரே இருப்பவரிடம் பாய்கிறது
காயப்படுத்தும் சொல் அம்புகளாய்...

படுக்கையறைகள் பார்வைக்கு

2009-02-18T03:30:00.006+05:30

நட்ட நடு வீதீயில்
படுக்கையறைகள் பார்வைக்கா ?
காதலர் தின
வாழ்த்து அட்டைகளுடன்
வெளிதனில் கட்டிபிடித்த முத்தங்களும்
கடற்கரை மதிய நேரத்து
சுடு மணலில் அணைப்புகளும்
சத்தமின்றி கற்பழிக்கிறது
காதலெனும் மெல்லிய உணர்வை...

கேள்விகள் மட்டுமே அனுமதி

2009-02-13T00:15:00.003+05:30

முன் நின்ற கடவுள்
வரங்கள் ஏதுமில்லை
கேள்விகளுக்கு மட்டுமே அனுமதி
கட்டளையிட்டே பேச தொடங்கினான்

உலர்ந்த உதடுகளை
நடுங்கிய நாக்கால் பிடித்தபடி
கேள்விகளை தொடங்கினேன்

வழிமுறைகள் சொல்லிவிட்டு போ
துன்பமில்லா வாழ்க்கை
நிஜங்களிலும் கதாநாயகனாய்
படுத்தவுடன் உறக்கம்
எதிரியாய் இல்லா நண்பண்
கண்ணீர் இல்லா கண்கள்
எனை போற்றும் புகழ்
மாதக்கடைசியும் முதல் தேதிபோல
சண்டையில்லா தாம்பத்யம்
மேலதிகாரியும் என்முன் சேவகனாய்
பல்லாக்கில் தான் பயணங்கள்
முக்கியமாய் உனை போல
கேள்விகள் கேட்காமல்
வரங்கள் தரும் இறைவன்

பதில்கள் எதிர்பார்த்து நின்றவனிடமே
கேள்விகள் தொடங்கினான் கடவுள்

வெட்கமின்றி சத்தமிட்டு
நடனமாடி குழந்தைக்கு சிரிப்பு ?
உன்வீட்டு தோட்டத்தில்
பூத்த பூக்களிடம் நலம் விசாரிப்பு ?
மொட்டை மாடி இரவுகளில்
நட்சத்திரங்களுடன் கதைகள் பேசியது ?
மழைக்கால நிமிடங்களில்
சாரலோடு மெல்லிய பாடல் ?
கடற்கரை அலைகளோடு
ஓடிப்பிடித்த விளையாட்டு ?
குடும்பத்தின் உறவுகளோடு
சத்தமிட்டபடி நிலாச்சோறு ?

இல்லையென்று
ஒரு பதில் சொன்னாலும்
இன்னும் நீ
வாழ்க்கையை வாழவில்லை
வாழ்ந்துவிட்டு வா என்றபடி
சட்டென்று மறைந்தான் மீண்டும் இருளில்...

ஞாபகக் கூட்டுக்குள்

2009-02-10T11:25:00.008+05:30

ஏதோ ஒரு ஞாபகம்
கடலலையென நெஞ்சில் அடித்து
புன்னகையை நுரை எச்சமாய்
உதட்டோரம் விட்டு சென்றது

அது எதுவென
நினைவு தட்டுகளை கலைத்து
இதுவரை தேடியும் வரவில்லை
ஞாபகக் கூட்டுக்குள்

தனிமையில் பயத்துடனும்
நெஞ்சில் ஏக்கத்துடனும்
வாழ்கை சிதறல்களை ஆராய்ந்தும் தோல்வியே

எங்கெங்கோ தேடித்தேடி
மனம் சோர்ந்ததே மிச்சம்
எது எப்படியோ
நிச்சயமாய் ஞாபகம் மிச்சமுள்ளது

பட்டாம்பூச்சி வண்ணத்தில்
பூவின் மறைவு பிரதேசத்தில்
குழந்தையின் கன்னக்குழி சிரிப்பில்
இயற்கையின் கணக்கற்ற இரகசியத்தில்
தேடித்தேடி உறங்குகையில்
கனவில் விடையாய் வந்தது
குழப்பமான புதிர் வயதில்
உனை பார்த்தபடியே இருக்க
மின்னலென தலைத்தூக்கி
கள்ள சிரிப்பொன்றை
கண்பார்த்து சிரித்து மறைந்ததானடி....

இதுவும் ஒரு காதல்

2009-02-10T11:06:00.006+05:30

அடிபெண்ணே
நீ முன்பு போல்
முகம் புதைத்தே சென்றிருக்கலாம்
நீ முகம் தூக்கி
விழியிரண்டை பார்த்தது முதல்
ஆரம்பமானது எனது இராகுகாலம்

நீ மட்டுமே முக்கியமாய்
முக்கியமானதாய் நீ மட்டுமே

செலவிட்ட செல்லா காசையும்
கணக்கிட்டாடல் செல்லாதவனாய் நானடி

நீ தென்றலென
கனவுகளில் எனை தொலைத்தேன்
புயலாய் வாழ்க்கையை பறித்தது புரியாமல்

சிறு பிள்ளைகள்களாய்
அர்த்தங்கள் ஏதுமின்றி மறைவாய்
கதைகள் பலபேசி சிரித்தோம்
இங்கு யாரை யார் முட்டாளாக்கியது?

நம்மிடையில் குறுக்கிட்ட சிறுவனையும்
வில்லனாய் பார்த்தோம்,எதிர்த்தோம்
நாம் மட்டுமே உறவென திரிந்தோம்

லட்சியங்களை எல்லாம்
பசியின்றி தின்று செரித்து
மயக்கமாய் கண்மூடாமல் உறங்கினோம்

காதல் அலுத்த பின்பு
நீயொரு காரணம் சொன்னாய்
நானொரு காரணம் சொன்னேன்
பின் பிரிந்தோம் -இடையில்
வாழ்க்கை,தூக்கத்தை
பறித்து சென்றதை தவிர
பொய்க்காதல் வேறென்றும் செய்யவில்லையடி...

அறை முழுக்க கேள்விகள்

2009-02-07T15:25:00.006+05:30

எனக்கான
அறை முழுக்க கேள்விகள்
விடைகள் தேடி தேடி
இன்னும் உயிரோடுயிருக்கும் கேள்விகள்

கால்சட்டை சிறுவன்
பட்டாம்பூச்சி பிடித்த பொழுதுகளில்
காமத்தில் தொலைந்ததற்கு
யாரடி தோழி பொறுப்பு ?

சின்னஞ்சிறு மழலை தங்கை
விரல் பிடித்து நடந்த பொழுதுகளில்
உருவம் சிதைந்து
மரணித்த நேரத்தில் வலித்திருக்குமோ?
காரணமானவன் விடை தேடுகிறேன்

எனக்கான தேவதை
கனவுகளோடும்,காதலோடும்
இன்னும் காத்து இருக்கிறாளே
உறவுகளெற்ற நாளைய நாட்களில்
எங்களுக்கான வாழ்க்கை எவ்விதமாய் ?

ஊரெங்கும்
காற்றும் கூட உறங்குகையில்
உறக்கமற்ற இரவுகள்
சாபமாய், வரமாய்
விதித்திட்ட மனிதன் யாரோ ?

கேள்விகள் சேகரித்தபடி
காத்திருக்கிறேன் இன்னும் கேள்விகளுக்காக ....

சுவர்களற்ற ஈழத்து வீட்டில்

2009-02-04T04:41:00.014+05:30

இன்னும்
சில நிமிடங்கள் பொறுத்திருங்கள்
சுவர்களற்ற ஈழத்து வீட்டில்
எனது ஒருவயது மகன்
தாயின்றி பசித்த வையீறுடன்
காய்ந்த கண்ணீர் கறைகளுடன்
நெஞ்சோடு இறுக்கியபடி உறங்குகிறான் ..

வந்தவர்களுக்கு உரிமையா
என்று அவனும்
உரிமை உயிரென்று
நீங்களும் துப்பாக்கி ஏந்தட்டும்
யுத்த களத்தின் பரப்புகள்
எல்லைகளற்று , திசைகளற்று விரியட்டும்
இறுதியில்
நீண்ட யுத்தங்கள் முடியட்டும்
மனிதர்கள் யாருமின்றி
குண்டுகள் துளைத்த வெற்றி கொடிகளுடன்

மரணம் விட காயங்களுடன்
தாய் தேசம் பயணிக்கிறோம்
நேற்று வரை இருந்த
எனது தேசம்
எனது வீடு
எனது மனைவி
எனது மகன்,மகள்
எனது வாழ்க்கை யாதுமேன்றி
அகதி அடையாள அட்டையுடன்

அரசியல் நாய்கள்
வட்ட மேஜை மாநாடு
முடித்து முடிவெடுக்கும் வரை
உயிரோடு இருப்பாரா
பசியால் கதறும்
எம் தேசத்து குழைந்தைகள்

உறக்கமற்ற கண்களிலும்
அழகிய கனவு ஒன்றுண்டு
பள்ளி சென்ற
சின்ன சின்னஞ்சிறு குழந்தைகள்
எண்ணிக்கை குறையாமல்
வீடு வந்து சேருவார்
பின்னொரு நாளில்
கதைகள் பேசியபடி உறங்கிடுவோம்
பீரங்கி,துப்பாக்கி சத்தமற்ற
இரவுகளில் பசியின்றி நிம்மதியாய்

இன்னும்
சில நிமிடம் பொருத்திருங்கள்
அழுதபடி உறங்கிடும் மகன்
ஆழ்ந்த நித்திரை கொண்டதும்
பீரங்கி குண்டுகளை வீசலாம்
வலியின்றி
என் மகனாவது சாம்பலாகட்டும்
இறந்தும்
சிதைந்து போன தாயை தேடி
மரணத்தின் மயானத்தில் என்னோடு ....

நிஜம்

2009-01-28T11:47:00.002+05:30

மனநலம் அற்றவர்
அருகில் நாடி வருகையில்
தங்கிவிடுவாரோ எனும் பயத்தில்
தொலைந்ததவைகளாய்
ரசித்த சேஷ்டைகளும்
குழந்தை முகமும்
தாண்டி சென்ற மனிதர்கள்
மீதான கோபமும்
பாவமென இரக்கப்பட்ட நானும்...

ஈரத்தடங்களாய்

2009-01-28T11:41:00.007+05:30

கடலாய் வாழ்க்கை
அலையாய் மனிதன்
ஒவ்வொரு முறையும்
கரைதாண்டி
செல்ல முயலும் அலைகள்
கரைதாண்டிய பின்பு
மண்ணில் சில காலமே
ஈரத்தடங்களாய்...

அழகிய வேதாளமாய்

2009-01-27T10:43:00.005+05:30

உன்னுடனான நினைவுகளுடன்
கனவுகளை சுமந்துகொண்டு
தொடர்கிறேன் இலக்கில்லா பயணத்தை

போகும் வழிதனில்
சில அறிந்த முகங்களும்
அறியப்படாத முகங்களுமாய்
தொடர்கிறது உறவுகளற்ற பயணம்

சற்றே அயர்ச்சியில்
இளைப்பறுதல் நிகழ்கையில்-உதட்டோரம்
காரணமற்ற புன்னகையாய் நீயடி

முடிவுகளற்ற பயணம்
உருவமற்ற தடைகள்
ஏதுமற்ற வெளிகள்
என மிரட்சியாய் நிற்கையில்
கிச்சுகிச்சு செய்தபடி செல்லமாய்
விரட்டுகிறாய் பயணத்தை
முதுகில் சுமைகளற்ற சுமைகளாய்
அழகிய வேதாள பிசாசாய் நீயடி...

கவிதைகள் என போதை

2009-01-18T01:02:00.007+05:30

கவிதையொன்று
எழுத வேண்டும் இப்பொழுதே

இலக்கண சுமைகளின்
வரைமுறை தடங்கள் ஏதுமின்றி
புதுக்கவிதைகளென புணர்ந்து
பொய்களாய் பெயரிட்டு
எப்படியாவது கவிதை வேண்டும்

உரையாடல் வடிவங்களை
சற்றே நெடித்து,ஒடித்து
முடிந்தால் உரையாடலை கூட
கவிதையென பதித்தல் வேண்டும்

இயல்பான விஷயங்களையும்
எதிர்மறை பார்வை கொண்டு
பொய்யாய்,சகதியாய்
ஞானியாய்,ஞானப்பார்வையாய்
நிகழ்வுகள்,கனவுகளென வார்த்தைகளிட்டு
இப்பொழுதே கவிதையொன்று தேவை

எனக்கு தேவையென்பது
கவிதையெனும் போதை அவ்வளவே

என் செய்வாய் தமிழே
புதுக்கவிதைகளென ஆபரணமிட்டோம்
இப்பொழுதோ உரையாடல் சுமைகளாய்...

முதல் தோழி அம்மாவுக்காக

2009-01-15T17:45:00.003+05:30

என் முதல் தோழி
இனிய அம்மாவுக்காக
உனக்கு அனுப்பபடாமலே
என்னுள் பாதுகாக்கப்பட்ட
உனக்காக மடல் இது

எப்படி,எவ்விதம் ஆரம்பிப்பது
உனது துக்க சுவடுகளை
சந்தோச நிகழ்வுகளை விசாரித்தபடியா
இல்லை இல்லை இது
மரணத்தில் வாசலில் நின்று
எனைமீட்ட தாய்மையுடனான பகிர்தல் இது

என்னால் என் பிள்ளைக்கும்
வெறுப்பின்றி செய்தல் இயலுமா
நீ செய்த பணிவிடைகளை
எப்படி முடிந்ததது உன்னால்
20 வயது மகனுக்கு
2 மாத மழழையாய்
முகச்சுழிப்பின்றி கழிவுகள் அகற்றியது

உன் சின்னசிறிய சேமிப்பும்
பூதம் விழுங்கிய
கைப்பிடி சோறாய் கரைகையில்
உன் உயிர் விற்க துணிந்தாய்

உனக்கான சின்னஞ்சிறு கனவுகள்
கலைந்து போகையிலும்
எந்த தேசத்திற்கும்
தன்னந்தனியாய் பயணித்தாய்
எனை காப்பாற்ற முடியுமெனில்

உனக்காக
நான் எதுவும் செய்ததில்லை
எரிமலையின் கசடுகளை
எனையறியாமல் தந்ததை தவிர

தாய்மைக்கு
நன்றிகள் சொல்வது இயல்பல்ல
எனினும் நன்றிகள் பல உனக்கு

உனக்ககாவேணும்
உனது கனவுகளுக்காகவேணும்
உயிர் வாழ்தல் அவசிமாகிறது....

என் டைரியின் பக்கங்களில்

2009-01-15T16:45:00.000+05:30

என் பிரியமான டைரியே
வெற்று தாள்களின் பக்கங்களில்
உயிர் சுமத்திடும் உணர்வு பூமியே

உன்னுள் உணர்வுகள்,நிகழ்வுகளை
முலாம் பூசியபடி பதிவுடுகிறேன்
விமர்சனங்கள் ஏதுமின்றி ஏற்கிறாய்
எப்பொழுதும் எனக்கானவளாய்

உன்னுள் எப்பொழுதாவது நிகழ்ந்திடும்
அரைகுறை பிரசவங்களையும் கூட
தயக்கங்கள் ஏதுமின்றி ஏற்கிறாய்
நிஜமான தாயன்போடு

உன்னுள் துக்கங்கள்,அழுகையை
யாருக்கும் தெரியாமல் புதைக்கிறேன்
சலனமின்றி விழுங்கி கொள்கிறாய்
கரிசல்காட்டு பூமியாய்

உன்னுள் கனவுகளை,காதலை
முரசடித்தபடி பதிவிடுகிறேன்
நான் சோர்ந்து உறங்குகையில்
முரசொலிகளை சத்தமாய் ஒலிப்பாய்

உன்னுள் எப்பொழுதுகளிலும்
இரவல் உணர்வுகளுடன் நுழைவதில்லை
நீயும் அனுமதித்ததில்லை -இதுவரை
எந்த சலுகையுடனும்

உன்னை
வயதுகளில் முதிர்ந்த பெண்ணின்
இரகசிய முத்தமாய் மறைத்திடுவேன்
அந்தரங்கத்தின் முகமல்லவா நீ

உன்
எல்லை கோடுகளிலயே வாழ்கிறேன்
நீ மட்டுமே தானே ஏற்பாய்
நான் நானாகவே வாழ்ந்திட

என்
டைரியெனும் நிகழ்கால சுமைதாங்கியே
சுமைகள் இறக்க முயலுகிறேன்
நீயோ
வழிப்போக்கனையும் ஏற்கிறாயடி
நன்றிகள் பல உனக்கு...

உன்னிடமிருந்து தொடங்கிடு

2009-01-15T10:41:00.001+05:30

நடுத்தர வர்க்கத்தின் பிரதிபலிப்பே
எங்கிருந்து சாதி அழிப்பதென
குழம்பி யோசிக்கிறாயா

உன் நகரத்து வீட்டிற்கு
நலமறிய வரும் குடியானவன்
வாசற்படியோடே நின்றுதான்
நலமறிய வேண்டுமென விரும்புகிறாயே
அதையழித்து தொடங்கிடு

உன் வீட்டின்
பத்து வயது குழந்தைகூட
ஐம்பது வயது குடியானவனின்
பெயர் சொல்லி அழைக்கிறதே
அதையழித்து தொடங்கிடு

எவ்வித தயக்கமுமின்றி
செருப்பு கழட்டும் இடத்தில்
தனி பாத்திரம் கொடுத்து
உணவு பரிமாற முயலுகிறாயே
அதையழித்து தொடங்கிடு

சாதி எனும் காரணத்தோடு
பொருளாதாரத்தை மையமாக கொண்டு
சாதியை தொடரும் மானிடமே

தனி டீத்தண்ணி சிரட்டை
செருப்பின்றி நடத்தல்
மேலாடையின்றி இருத்தல் எனும்
வடிவங்களை மட்டுமே மாற்றி
சாதியை தொடருதலை விடு

சமத்துவ மானுடமே
உன்னிடமிருந்து தொடங்கிடு
மனிதனை மனிதனாக மட்டுமே
பார்த்திடும் கனவு தேசத்திற்காக

மனிதன் விற்பனைக்கல்ல

2009-01-15T00:12:00.000+05:30

மானுடமே
எங்கே விற்றாய் மனிதத்தை
என்ன விலைக்கு வாங்கினாய்
தேவையில்லை எனில்-மனிதனை
மலம் தின்னும் புழுக்களாய்
நடத்திடும் காட்டுமிரண்டிதனத்தை

இன்னும் இன்னும் ஒளிகிறாய்
வாழ்வின் கடைசி நிமிடங்களின்
மரண பயத்தை விட
ஏழை மனிதரை கண்டால்

பரிதவித்தபடி
பிச்சை கேட்கும் வயதானவரிடம்
ஒற்றை நாணயம் மறுக்கிறாய்-ஆனால்
ருபாய் தாள்களை வீசுகிறாய்
ஆடம்பரத்தின் எச்சங்களுக்காக

ஒப்பாரி இட்டழும் பெண்ணிண்
ஆடை கலைந்தலையும்
வெட்கமின்றி விரசமாய் பார்க்கிறாய்
சோகமென்று முகமுடி அணிந்தபடி

மரணம் நடந்த வீட்டில்
பிணத்துக்கு அருகில் ஊர்வம்பு
காபி இல்லையெனும் மனக்குமுறலோடு

எதையும் அருவெருப்பதில்லை
காசு வருமெனில்-தள்ளுபடியில்
துணையின் அந்தரங்கங்களும் விற்பனைக்கு

வெளிச்சத்தை விட
இருளின் மறைவு பிடித்ததாலயே
இருட்டறையின் சுவர்களுக்குள் வாழ்க்கை

மானுடமே
இதய அறைகளை சுத்தமாக்கி
ஆணியடித்து பலகை மாட்டிடு
"மனிதன் இங்கே விற்பனைக்கல்ல" என .....

குறிப்பு:இக்கவிதை பல வருடங்களுக்கு முன்பாக எழுதப்பட்டது,கவிதைக்காக மட்டுமே இப்பொழுது பிரசுகரிக்கப்பட்டது .இப்பொழுது மனிதர்களை மிகவும் நேசிக்கிறேன்

யுகக்காதல்

2009-01-14T23:04:00.001+05:30

நிமிடப் பொழுதுகளில்
நாமிருவரும் சந்திக்காமலோ
காதலிக்காமலோ போயிருந்தால்
என்ன செய்திருப்பாய் என்றாய்
எப்படியடி நிகழும்
உனக்கும் எனக்குமான
இந்த நிமிடங்கள் கூட
எப்பொழுதோ தீர்மானிக்கப்பட்டது
நீயும் நானும்
வெறும் காரணங்களாய் காதலில்
எத்தனை யுகங்கள் கடந்தாலும்

ராட்சஷியும் நீயடி

2009-01-11T23:27:00.000+05:30

இரவுகளில் கண்விழித்து
உனக்கான காதல் கவிதைகளை
காதோரம் கிசுகிசுத்தால்
முறைத்தபடி சொல்வாய் சிரிப்புடன்
போதும் போதும் பொய்களென

தேவதையாய் நீயடி

2009-01-11T23:21:00.000+05:30

வரங்கள் தரும் இறைவனிடம்
வரமாய் உனை கேட்க
தேவதையை
வரமாய் தரும் தகுதியில்லை
வேண்டுமானால்
காதலித்துகொள் என்கிறான் சிரித்தபடி

பட்டாம்பூச்சி விருது

2009-01-09T10:40:00.000+05:30

இப்ப தான் பிளாக்ல சேர்ந்த மாதிரி (2 மாதம்) இருக்குது, நண்பர்கள் நிறைய பேர் கிடைத்ததுல ரொம்ப சந்தோசம், 2 பட்டாம் பூச்சி அவார்டு வாங்கியாச்சு,இதுக்கு முதல்ல நன்றி சொல்றது என்னோட இரட்டை சகோதரன் ஹரிக்கு,அவன்தான் தன்னோட laptop ய தந்தது தனக்கு இல்லாதப்ப கூட,

1,தமிழ் நெஞ்சம் - இவரோட பிளாக்கு ரொம்ப technical ,நான் நிறைய விஷயங்களை கத்துகிட்டது இந்த பிளாக்குல இருந்துதான்,ரொம்ப கவனத்தோட, படங்களோடு நல்லா இருக்கும் ,thanks tamil

2.தீராத பக்கங்கள் : திரு,மாதவராஜ் ரொம்ப அழகான,அழமான கட்டுரைக்களுக்கு சொந்தகாரர், முதன் முதலா பின்னுட்டமிட்டவரும் இவர் தான், ஆனா இன்னும் என் கூட " follow up " சேரவில்லை,வருத்தம் தான் ,ஆனா நான் சேர்ந்துகிட்டேன் :)

3.நட்புடன் ஜமால் : இன்னும் கூட ஆச்சரியமுண்டு ,எப்படி இவரால மட்டும் எல்லா வலைபக்கத்திலும் பின்னுட்ட முடிகிறது என்று, எனது எல்லா வரிகளுக்கும் பதிவிடும் தோழர்

பழகிடு

2009-01-09T00:58:00.000+05:30

கசப்பு தான் என்றாலும்
சந்தோசமாய் சாப்பிட பழகு
முட்காடுகளுக்கு இடையில்
காயம் பட்டு பறித்து-சமைத்த
பாகற்காய் அவியலை அம்மாவுக்காக

எப்போது விலகினேனடி

2009-01-07T00:35:00.000+05:30

உறுத்தும் வியர்வை வாடையோடு
மணிக்கணக்கில் பேசுவாய்
அப்போதும் விலகியதில்லை

சுவாரஸ்யமாய் பேசுகையில்
"ஆ" வென சோம்பலிடுவாய்
அப்போதும் விலகியதில்லை

உனக்கு இதுகூட தெரியாதாதென
ஏளனமாய் சிரித்துடுவாய்
அப்போதும் விலகியதில்லை

அவன் இவன் அப்படியென
ஒப்பீடுகள் செய்திடுவாய்
அப்போதும் விலகியதில்லை

என் நட்பை துச்சமாக்கி
உன் நண்பர்களிடம் மறைப்பாய்
அப்போதும் விலகியதில்லை

பேருந்தின் பயண நெரிசலில்
எவனோ செய்த சில்மிஷத்திற்கு
சட்டென யோசிக்காமல் -எனை
திரும்பி பார்த்த நேரத்தில்தான்
இயல்பாய் விலகியது உன்னிடமிருந்து...

காதலித்ததால் கவிதைகள்-2

2009-01-07T00:15:00.000+05:30

உன்னால் மட்டுமே முடிகிறதடி
எனை முழுமையாய் தின்றும்
இன்னும் பசியோடிருப்பது ...

நெஞ்சுக்குள்
தீ வைத்தது நீயென்றாய்
நானோ நீதான் என்றேன்
எப்படியோ தீ பற்றிக்கொண்டதடி ...

ஏதேதோ
பேச வேண்டுமென திட்டமிட்டு
உன் பார்வைகளில்
சிக்கிகொண்டு தடுமாறியது நானும்
என் வார்த்தைகளும் தான்

பையத்திய செயல்கள் என
கேலி பேசிய எனையே
செய்ய வைத்தது காதல்..

பிடிக்காத விஷயங்களும்
பிடித்து போகிறது நிஜமாய்
உனை பார்க்க முடியுமெனில்...

காதலித்ததால் கவிதைகள்-1

2009-01-07T00:14:00.000+05:30

நீயே
ஞாபகத்தில் வருகிறாயடா
துப்பட்டா நழுவும் சமயங்களிலும்..

கவிதையும்
காதலும் ஒன்றடா
அதிகமாய் பொய் சொல்வதில்..

இயல்பான விஷயமானது
உன் வாசமடிக்கும் தலையணையில்
தலை வைக்காமல்
முகம் புதைத்து உறங்குவது..

உந்தன்
ஓராயிரம் வார்த்தைகளை விட
மவுனங்களே என்னுள் சலனங்களாய் ..

உன்னைவிட உயர்ந்தவன் நான்
உடல்நிலை சரியில்லாத நேரங்களில்
பணிவிடை செய்வதில் ...

எங்கே கற்றாயடி தோழி
நான் பார்க்காத நேரங்களில்
எனை பார்க்கும் வித்தையை ...

தற்செயலல்ல

2009-01-06T23:42:00.001+05:30

கண்டும் காணாதவனாய்
வேலைக்கு செல்லும் நண்பனை
முகம் மறைத்தபடி கடந்திடும்
வேலை தேடுபவனின் செயல்...

வக்கிர சங்கிலி

2009-01-06T23:36:00.001+05:30

நீ
கைபிடித்து சிரிப்பாய் சிநேகமாய்
நானோ
முறைத்து பின் விலகுவேன்
மனதில் அலையும்
காம மிருகத்தின் சங்கிலி
அறுந்திடுமோ எனும் பயத்தில் ..

தொலைத்த தோழமைகள் !

2009-01-02T00:32:00.001+05:30

எங்கே
எப்படி தேடுவது தோழமைகளை!
வயது சிறியவனாய்
மனதின் முதிர்ச்சியால்
தோழமைகளை தொலைத்து விட்டேனா !

வார விடுமுறை நாட்களில்
யாருமின்றி தனித்து இருக்கையில்
தோழமையை தேடுவதுண்டு
தனிமை துரத்திடும் பயத்தில்!

சின்ன சின்ன துக்கங்களை
சத்தமிடும் சந்தோசங்களை -இறக்கிட
தோழமையை தேடுவதுண்டு
கண்களில் நட்போடு !

திரைப்பட காட்சியாய்
எனை சுற்றி சத்தமிடும்
எப்பொழுதும் சார்ந்தே இருக்கும்
தோழமையை தேடுவதுண்டு
அசட்டுதனமாய் சிரித்தபடி

தோழமையை தொலைத்ததற்கு
எனக்கான காரணங்கள்
ஒத்துபோவ முடிவதில்லை
விருப்பமில்லா உன் இசைவுகளுக்கு

வெறுத்திடும் கிரிக்கெட்
தரம் கெட்ட திரைப்படம்
பணம் கொண்டு
மனிதனை நடத்திடும் மனதை
தோள்மீது கைகள் போட்டு
முதுகில் மலம் பூசுதலை
தனித்துவம் ஏதுமின்றி
கூட்டத்தின் புள்ளியாய் வாழ்தலை
நட்புக்குள் ஆத்திரமாய்
பொறாமை கொள்ளும் கண்களை

தோழமையை இன்றி இருத்தலுக்காக
சின்னதாய் வருத்தமுண்டு
குறையென்று கலங்கியதில்லை-வேண்டுமானால்
நீ வருத்தபட்டு கொள்
எனை விடவும்
உன்னை நேசிக்கும் தோழனை
தொலைத்து விட்ட உனக்காக...

தாயுமானவனாய்

2008-12-30T05:46:00.000+05:30

என் தேவதைக்கு
ஒரு கடிதம்

தூக்கம் தொலைத்த இரவுகளில்
யாருமற்ற பொழுதுகளில்
கண்ணிரீல் நனைத்தபடி கடிதம்

"6" வருடங்களாய்
காத்திருக்கும் நிமிடங்களில் எல்லாம்
இன்னும் இன்னும் காதலாய்

ஷ்பரிஷங்கலின்றி
சந்திப்புகள் ஏதுமின்றி
நகரும் நாட்களும்
உன் குரல் கேட்டகாமல்
உறைந்து போகிறது வெறுமையாய்

இன்னும் எத்தனை நாட்கள்
அர்த்தமற்ற உறவுகளின்
ஏதுமற்ற பேச்சுகளுக்கு
முடிவுகளற்ற விளக்கயுரை எழுதியபடி

வந்துவிடு கண்மணி
கண்னுக்குள் காத்திடுவேன்
உயிர்த்துளியாய் ஒவ்வொரு நிமிடமும்

சேலை தலைப்பின்
நுனி பிடித்தபடி உறங்கிடும்
கனவு எப்பொழுது நிஜமாகுமடி

காத்திருப்போம் காதலுடன்
நாம் நேசித்த
அழகான அந்த பட்டாம்பூச்சி
நிச்சயம் தோள்மீது வந்தமரும்

எதிர்த்திடும் உறவுகளுக்கு
சொல்லடி செல்ல குழந்தையே
எனையன்றி யாரடி
உனக்கு தாயுமானவனாய் ..

பொய்யாய்

2008-12-21T19:18:00.000+05:30

தேவைகள் ஏதுமின்றி
மனதோடு மட்டும் பொய்யாய்
புலி வேடமிடுகிறாய்
பசித்திடும் பொழுதுகளில்
என்ன சாப்பிடுவாய்
மனித மாமிசத்தையா
சமைத்த சாதத்தையா ??

கனவுத்தோழி

2008-12-16T12:04:00.000+05:30

தேவை ஒரு சினேகிதி
என்னை போலவே கனவுகளோடு
ஆதாயம் தேடாத
நட்பாய் சிநேகிதி தேவை

வா சிநேகிதி
உன் வயதையொத்த
காமம் தேடாத தோழனாய்
என் முகவரியை அடையாமிடு

பெண் வாசனை
அறியாத எருக்கம் பூக்களாய்
எதிர்பால் நட்பறியாத
தோழன் நான்

தகுதிகள்
எதுவெல்லாம் வேண்டாம்-வேண்டும்
குறிப்புகள் தேவையில்லை
அறிந்துகொள் அது போதும்

கவிதையில் வாழ்பவன் நான்
நேசிக்காமலிருந்தாழும் பரவாயில்லை
கேலிகள் செய்யாதிரு

குழந்தையை வருடுபவன் நான்
கொஞ்சாம்லிருந்தாழும் பரவாயில்லை
அழுகை மூட்டாதிரு

ஆடம்பர வெறுப்புகள் உண்டு
அணிந்தாழும் பரவாயில்லை
ஆர்பாட்டமின்றி இரு

என்னோடு
நட்புகள் தொடரும் பொழுதுகளில்
என்னவெல்லாம் செய்வேன் தெரியுமா,,

என் வீட்டாரிடம்
இயல்பாய் நிகழும் அறிமுகம்
தயக்கங்கள் ஏதுமின்றி

அமாவசை இரவுகளில்
மின்சாரம் தடைபட்ட பொழுதுகளில்
தடையின்றி தொடரும் பேச்சுகள்
செறுப்பு கடித்த காயம் முதல்
காமத்தின் நுழைவு வரை

அழுகை மூட்டும் சோகமெனினும்
கண்ணீர் துளிக்கும் மகிழ்ச்சியெனினும்
தோள் சாயும் தலையை
உண் உணர்வுகளின்
சாயம் பூசியபடி வருடுவேன்

நட்புகாலத்தில்
கோபத்தால் பிரிவெனில்
தயக்கமின்றி மன்னிப்புகள் கேட்பேன்
இயல்பாய் இருத்தலுக்காக

அந்தரங்கள்
ஒரு வாசல் மாயக்குகைகள்
அனுமதி தந்தால் கூட
தலையிடுதல் வேண்டாம் -அங்கே
உரியவர் நுழையவே அனுமதி

ஆடை விலகி
அங்கங்கங்கள் வெளிப்பட்டால்
தயக்கங்கள் ஏதுமின்றி
சுட்டி காட்டியபடி தொடருவேன்
எல்லைகளற்ற நம் உரையாடலை

கனவு தோழி
__அவரவர் காதலை
தயக்கங்கள் ஏதுமின்றி பகிர்தல்
__நம் நட்பில்தானே சாத்தியமாகும் ...

மவுன ஓசைகள்..!

2008-12-14T13:46:00.002+05:30

எவரேனும் கேட்டதுண்டா
உங்கள் ஊர் நுரலகத்தின்
படபடக்கும் மின்விசிறி சத்ததில்
செருப்பின் தேய்வு சத்ததில்
முணுமுணுப்பு பேச்சுக்கு இடையில்
கடிகார சத்தின் இடையில்
எப்பொழுதாவது கேட்டதுண்டா
வேலை வாய்ப்பு பக்கத்தில்
வேலை தேடும் இளைஞனின்
உள்ள குமுறல் ஓசையை..!

வேடிக்கை மனசு..!

2008-12-13T17:21:00.002+05:30

இனி மேல்
தப்பு செய்யகூடாது
கால் ஆணி காயத்திற்கும்
எப்போதோ சிறுவயதில்
தெருநாயின் காலை ஒடித்தற்கும்
சம்பந்தம் உண்டோ என
அப்பாவியாய் நம்பும்
இந்த மனது உள்ள வரை...

வளர்வதெங்கே..!

2008-12-13T17:19:00.004+05:30

நீ நட்ட செடி
வளர்கிறது மண்ணில்
என்னுள் உன் நினைவுகளுடன்..!

உயிர் உறிஞ்சியவள்..!

2008-12-13T17:13:00.005+05:30

இரயில் நிலையத்தில்
அவள் சுவாசிக்க-நுரையிரலில்
நிரம்பியது எனதுயிர்...

நாய்குட்டியாய் ..!

2008-12-13T17:06:00.003+05:30

நீ
அருகில் இருக்கையில்
சிறுசிறு ஊடலுக்கும்
முறுக்கிகொள்ளும் ஆண்மனது
உன் பிரிவின் தொலைவுகளில்
உனை தேடுகிறது
செல்ல நாய்குட்டியாய்..!

உனது பயணங்கள்

2008-12-01T23:45:00.001+05:30

யுகம் யுகமாய்
தொடரும் காதல்
ஒரு புள்ளியில் தொடங்கி
நீள் கோடுகளாய் நீள்கிறது..

உனது பயணங்கள்
எப்போதும் எனை நோக்கியே
எதிர்பார்ப்புகள் தோற்ற பொழுதுகளிலும்கூட..

ஏன் எனும் கேள்விக்கு
பார்வைகளால் பதில் தந்தாய்
காதல் என்று..!

அர்த்தமாய் நீ !

2008-11-21T18:13:00.001+05:30

அழகாய்
பசுமையாய் ஒரு வீடு
செல்லமாய் ஒரு குழந்தை
மெலிதாய் ஒரு பாடல்
சன்னலோர நாற்காலியில்
என் மேல் சாய்ந்தபடி நீ
இது போதுமடி தோழி
என் வாழ்க்கை அர்த்ததிற்கு

கலவையாய் நீ !!

2008-11-20T20:59:00.001+05:30

சலிப்பூட்டும் அளவிற்க்கு
காதல் செய்கிறாய்
வரைமுறைகள் ஏதுமின்றி
காமமும் செய்கிறாய்
என்ன கலவையடி நீ !!

காக்கை உறவுகள்

2008-11-19T18:46:00.001+05:30

எச்சில் கை விரட்டலில்
சிதறி பறந்தோடி- பின்
சோற்று பருக்கைகள் கண்டதும்
கூடி தின்னும் காக்கைகளாய்
மனித உறவுகள்..!

காலடி தடங்கள்

2008-11-19T18:38:00.000+05:30

கடற்கரையோரத்தில்
உன் காலடி தடங்களை
தேட முயற்சித்ததில்லை தோழி
கடற்கரையும்
கொஞ்சம் கார்வம் கொள்ளட்டமே
உன் காலடி தடங்களை
அடையாளம் கண்டதற்காக,,

நம் காதல்

2008-11-19T18:33:00.001+05:30

நீயின்றி

தவித்த கணங்களில் தான்
என் காதல் தெரிந்தது
எனக்கான
உன் கோபங்களில் தான்
உன் காதல் புரிந்தது...

சிறுவனின் கைகளில்!

2008-11-10T20:26:00.003+05:30

கடற்கரையோரத்தில்

__கிளிஞ்சல்கள்
பொறுக்கிய சிறுவனின் கைகளில்
__முத்துக்களாய்
உந்தன் காதல் தோழி,,

பூத்திடும் தேவதைக்கு!!

2008-11-04T19:42:00.000+05:30

தினந்தோறும்
___புதிதாய் பூத்திடும்
என் செல்ல குழந்தைக்கு
___பிறந்த நாள் வாழ்த்துக்கள்!!

இயலாமையாய்!

2008-10-25T22:36:00.000+05:30

மூச்சு முட்டும்
___வாக்கு வாதங்களினால்
மெளனமாய்
___கேட்கும் பார்வைகளினால்
எப்போதடா திருமணம் எனும்
___உந்தன் கேள்விகளுக்கு
என்ன பதில் சொல்வது
___இயலாமையின் கோபத்தை தவிர,,!

கண்ணீர் துளிகளால்,,!

2008-10-25T22:16:00.000+05:30

கண்ணீர் துளிகளோடு
____பதிவு செய்கிறேன் தோழி
முதன் முதலாய்
____உன் குரல் கேட்காமல்
நீண்ட இடைவெளியாய்
____முழுதாய் ஒரு நாள்,,!

என்ன சொல்வது!!

2008-10-22T10:08:00.000+05:30

யாருமறியாமல் நிகழும்
___சந்திப்பின் முடிவாய்-பிரிகையில்..,
உனை பார்த்தபடி
___நகர மறுக்கும் கால்களுக்கு
என்ன சமாதானம் சொல்லி
___அழைத்து செல்வது தோழி!!

ஏதும் அறியா சிறுமி!!

2008-10-22T09:53:00.000+05:30

எங்கே கற்றாயடி
இந்த வித்தையை !
இதயம் திருடிய பின்பும்
ஏதும் அறியா சிறுமியாய்
எனை கடந்து செல்வதை..,

இன்னும் சில காலம்

2008-10-19T00:33:00.000+05:30

இன்னும்
சில காலம் காத்திருப்போம் தோழி
உதிர்ந்த பின்பும் கூட
காலடியில் மிதித்தாலும் கூட
வாசம் தரும் பூக்களாய் !!!

தேவனாய் நான்!!!

2008-10-18T20:55:00.000+05:30

தேவனாகி போனேன் நான்
உனை காதலித்ததால்.,
தேவதையின் கணவனை
வேறெப்படி அழைப்பதாம்..,

நீ மட்டும் நிஜமாய்..!

2008-10-05T22:34:00.000+05:30

உண்மை மறைக்கும்
விஷயத்தில் வற்பறுத்தி கேட்டால்
மவுனமாய் அங்கிறுந்து வெளியேறுவேன்
எக்காரணம் கொண்டும்
பொய்யோடு கைகோர்ப்பதில்லை
உன்னிடத்தில் மட்டும்.....

சுமைகள்..!

2008-09-30T10:20:00.002+05:30

கலங்காதே எனதுயிர் தோழி,

எங்கே சுமைகள் தாங்கப்படுமோ
அங்கேதான் நிகழ்வுகளாய்
இளைப்பாறுதல் நிகழும்...

இதயச்சாவியே..!

2008-09-29T09:42:00.000+05:30

என் தேவதையே
எப்போது உடைத்தாயடி,
எனக்கே தெரியாமல்
என் இதயக்கதவுகளின் பூட்டுகளை,.

தேவதை

2008-09-26T02:48:00.000+05:30

கண்களால் கொலை செய்யும்
உன்னை கொலைகாரி என்பதா,
இல்லை தேவதை என்பதா,
சொல்லடி செல்ல தோழி....,

Life is easy

2008-09-26T01:48:00.000+05:30

Hi Friends,

Its for the test to my blog